Breaking News

भारतीय सैन्याला प्रोत्साहन आणि पाठिंब्यासाठी फलटणमध्ये भव्य तिरंगा रॅलीचे आयोजन

Tiranga rally organized in Phaltan

    फलटण (गंधवार्ता वृतसेवा) दि.१० मे २०२५ -  पालकमंत्री ना. शंभूराज देसाई यांच्या संकल्पनेतून भारतीय सैन्याला युद्धजन्य परिस्थितीत प्रोत्साहन व नागरी पाठिंबा देण्यासाठी फलटण येथे भव्य तिरंगा रॅलीचे आयोजन करण्यात आले आहे. भारतीय सैन्याच्या शौर्याला आणि त्यागाला मानवंदना देण्यासाठी होणारी ही रॅली जनजागृतीसह राष्ट्रभक्तीचे प्रतीक ठरणार आहे.

    ही रॅली उद्या, रविवार दिनांक 11 मे 2025 रोजी सकाळी 9 वाजता तहसील कार्यालय परिसरातून सुरू होणार असून, महात्मा फुले चौक, गजानन चौक, उमाजी नाईक चौक, महावीर स्तंभ, डॉ. बाबासाहेब आंबेडकर पुतळा, शिवाजी महाराज चौक, डेक्कन चौक मार्गे पुन्हा तहसील कार्यालय येथे संपन्न होईल.

    या रॅलीमध्ये फलटण तालुका आणि शहरातील सर्व नागरिक, विविध सामाजिक संस्था व मंडळे, पदाधिकारी, विद्यार्थी वर्ग, माजी सैनिक संघटना तसेच पोलीस आणि सैन्य भरतीसाठी कार्यरत प्रशिक्षण संस्था यांनी मोठ्या संख्येने सहभागी व्हावे, असे आवाहन तही तहसिलदार अभिजीत जाधव व मुख्याधिकारी निखिल मोरे यांनी केले आहे.

No comments