My CKP Moment ; सुप्रिया सुळेंवर टीकेचा भडिमार

 

        माय सीकेपी मूमेंट' म्हणत राष्ट्रवादी काँग्रेसच्या खासदार सुप्रिया सुळे यांनी ट्वीट केलेल्या एका फोटोवरून त्या जोरदार ट्रोल झाल्या आहेत.

        मुख्यमंत्री उद्धव ठाकरे यांच्या शासकीय निवासस्थानी, राष्ट्रवादी काँग्रेसचे राष्ट्रीय अध्यक्ष खासदार शरद पवार यांनी भेट देऊन, गणेशाचे सहकुटुंब दर्शन घेतले होते.  याप्रसंगी खा. शरद पवार यांच्या बरोबर कन्या खासदार सुप्रिया सुळे या देखील होत्या. खा. सुप्रिया सुळे यांनी या भेटीचे काही फोटो दी. 31 ऑगस्ट रोजी ट्विटर वर शेअर केले आहेत. त्यातील एका फोटोवरून नेटिझन्सनी खा, सुळे यांच्यावर टीकेचा भडिमार केला आहे.

राष्ट्रवादी काँग्रेसच्या खासदार सुप्रिया सुळे यांनी ट्वीट केलेल्या फोटोला त्यांनी My CKP Moment - Patankar, Sardesai, Thackeray - Sule अशी कॅप्शन दिली होती. त्यावरूनच नेटिझन्सनी त्यांना ट्रोल केलं आहे. 

        यातील काही प्रतिक्रिया सौम्य आहेत तर काहींनी सुप्रिया सुळेंवर सडकून टीका केली आहे.  एका नेटीजन्सने, अतिशय टाकाऊ ट्विट. आपल्या जातीचा उल्लेख अभिमानाने करणे लोकप्रतिनिधींना शोभत नाही. जातीअंत काय फक्त सभेत भाषणं देण्यापुरता बोलायचा का? आपल्या वडिलांनी 'मी मराठा आहे' असा उल्लेख कधी केला नाही. निदान त्यांचा तरी आदर्श घ्यावा असे वाटते. चूक लक्षात येईल ही अपेक्षा, अशी प्रतिक्रिया दिली आहे. एक तरुण नेतृत्व म्हणून आपल्याकडून यापेक्षा चांगल्या अपेक्षा आहेत. आपण अमानवी जातीव्यवस्थेविरोधात लढा देण्यासाठी काम करण्याची गरज आहे. तिचं उदात्तीकरण करण्यासाठी नाही, असं एकानं म्हटलं आहे. काहींनी भारताची वाटचाल सध्या दहाव्या शतकाकढे चालली आहे  अशी प्रतिक्रिया दिली आहे. तर काहींनी सुप्रिया सुळेंची कॅप्शन चुकल्याचा दावा केला आहे. तर, काही लोकांनी हा 'सीकेपी' काय प्रकार आहे, असाही प्रश्न केला आहे.

        तर एका नेटीजन्सने, अरे बापरे!काय बोलाव आता. यांच्या कडून काय अपेक्षा करणार जाती अंताची. पण ही व्टीट मी जपून ठेवीन. दाखवण्यासाठी. अशी प्रतिक्रिया दिली आहे. खासदार सुप्रिया सुळे यांच्या  ट्वीटवर तब्बल २०५ प्रतिक्रिया आल्या आहेत.