भाषेचं सामर्थ्य, शब्दांचा वापर हे साहित्याने दिले तर समाज, माणूस यांकडे पहाण्याची समज पत्रकारितेने दिली - सुधीर गाडगीळ
 |
| संमेलन शुभारंभाप्रसंगी भारत सासणे, सुधीर गाडगीळ, प्रा.मिलींद जोशी, प्राचार्य शांताराम आवटे, रविंद्र बेडकिहाळ, विद्याधर अनास्कर, अॅड.प्रमोद आडकर, सौ.सुनिताराजे पवार, प्रकाश पायगुडे, डॉ.सचिन सूर्यवंशी (बेडके), दिलीपसिंह भोसले. (छाया : योगायोग फोटो, फलटण) |
महाराष्ट्र साहित्य परिषद पुणे व फलटण शाखा यांच्यावतीने श्री सद्गुरु प्रतिष्ठान व श्रीराम एज्युकेशन सोसायटी यांच्या सहकार्याने येथील महाराजा मंगल कार्यालयात 27 व्या विभागीय मराठी साहित्य संमेलनाचा शुभारंभ 95 व्या अखिल भारतीय मराठी साहित्य संमेलनाचे नियोजित अध्यक्ष भारत सासणे यांच्या हस्ते संपन्न झाला. त्यावेळी संमेलनाध्यक्ष म्हणून सुधीर गाडगीळ बोलत होते. व्यासपीठावर महाराष्ट्र साहित्य परिषदेचे कार्याध्यक्ष प्रा.मिलिंद जोशी, प्रमुख कार्यवाह प्रकाश पायगुडे, कोषाध्यक्ष सौ.सुनिताराजे पवार, सातारा जिल्हा प्रतिनिधी रविंद्र बेडकिहाळ, विनोद कुलकर्णी, मसाप पत्रिका संपादक पुरुषोत्तम काळे, अखिल भारतीय मराठी साहित्य महामंडळाचे प्रतिनिधी तानसेन जगताप, विश्वस्त प्रमोद आडकर संमेलन स्वागताध्यक्ष दिलीपसिंह भोसले, कार्याध्यक्ष डॉ.सचिन सूर्यवंशी (बेडके) आदींची उपस्थिती होती.
 |
| विद्याधर अनास्कर यांना स्व.यशवंतराव चव्हाण सहकार गौरव पुरस्काराचे वितरण करताना भारत सासणे. समवेत सुधीर गाडगीळ, दिलीपसिंह भोसले, प्रकाश पायगुडे, प्रमोद आडकर, रविंद्र बेडकिहाळ, प्राचार्य शांताराम आवटे, डॉ.सचिन सूर्यवंशी (बेडके), रणजितसिंह भोसले. |
 |
| प्रताप गंगावणे यांना स्व.यशवंतराव चव्हाण साहित्यिक गौरव पुरस्काराचे वितरण करताना भारत सासणे. समवेत सुधीर गाडगीळ, प्रा.मिलींद जोशी, दिलीपसिंह भोसले, डॉ.सचिन सूर्यवंशी (बेडके), प्रकाश पायगुडे, रविंद्र बेडकिहाळ, प्राचार्य शांताराम आवटे व मान्यवर. |
संमेलन उद्घाटक भारत सासणे यांनी, आज शब्दांच्या अभिव्यक्तीसाठी योग्य वातावरण आहे की नाही ? असा प्रश्न पडत आहे. अभिव्यक्तीवर कुणाचा तरी पहारा आहे, यातून स्वातंत्र्य संकुचित होत आहे. लेखकांनी यावर चिंतन करुन स्पष्टपणे बोलावे अशी आपली भूमिका आहे, असे सांगितले.
यावेळी प्रसिद्ध पटकथा लेखक प्रताप गंगावणे यांना यशवंतराव चव्हाण साहित्यिक गौरव पुरस्काराने तर महाराष्ट्र सहकार परिषदेचे अध्यक्ष विद्याधर अनास्कर यांना यशवंतराव चव्हाण सहकार गौरव पुरस्काराने भारत सासणे यांच्या हस्ते गौरवण्यात आले. पुरस्काराला उत्तर देताना फलटणच्या पावन व ऐतिहासिक भूमित समृद्ध व्यासपीठावर होत असलेला सन्मान आपल्यासाठी खूप मोठा आहे असे प्रताप गंगावणे यांनी सांगितले तर आपल्याला मिळालेला पुरस्कार कामाला धर्म मानणार्या आपल्या मातोश्रींना आपण सपर्मित करत असल्याचे विद्याधर अनास्कर यांनी स्पष्ट केले.
No comments