बुधवार पेठ, फलटण येथील घराचे कुलूप तोडून विविध वस्तू व रोख रकमेची चोरी

Theft of various items and cash by breaking the lock of the house at Budhwar Peth, Phaltan

    फलटण (गंधवार्ता वृत्तसेवा) दि.३ जानेवारी २०२२ - बुधवार पेठ,फलटण येथील बंद घराचे कुलूप तोडून, घरात प्रवेश करून,  घरातील तांब्या-पितळेची व चांदीची भांडी, रोख रक्कम, गॅस सिलेंडर, शेगडी असा एकूण २८ हजार रुपयांचा मुद्देमाल चोरून नेल्या प्रकरणी अज्ञातावर गुन्हा दाखल करण्यात आला आहे.

    दिनांक ७ डिसेंबर २०२१ रोजीचे सायं ७:३० वाजता  ते दिनांक २७ डिसेंबर २०२१ रोजी रात्री ९ वाजण्याच्या दरम्यान नाथद्वार,३० बुधवार पेठ, फलटण येथील मंगेश अविनाश गोसावी यांच्या घराचे कुलूप कशाने तरी तोडून, घरात प्रवेश करून, घरातील २ लाल रंगाचे भारत गँस कंपणीचे गँस सिलेंडर,  २ स्टीलच्या शेगडया,  एक इन्व्हर्टर व बॅटरी, १० ते १५ साडया, ३ तांब्याचे हंडे, १२ पितऴीचे डबे, १ चांदीचा करंडा,१ चांदीची वाटी, १ चांदीची समई आणि कपाटात ठेवलेली रोख रक्कम ११ हजार  रुपये असा एकूण २८ हजार रुपये किंमतीचा मुद्देमाल अज्ञात चोरट्याने चोरून नेला असल्याची फिर्याद मंगेश अविनाश गोसावी यांनी दिली आहे.