राजधानी टॉवर मधील बेकायदा बांधकामा विरोधात 1 जून पासून नगरसेवकांचे धरणे आंदोलन

Corporators' Dharane Andolan from June 1 against illegal construction

    गंधवार्ता वृत्तसेवा, फलटण दि. २५ मे २१२० - फलटण नगर पालिकेकडून नव्याने बांधण्यात आलेल्या राजधानी टॉवरमधील गाळा क्रमांक १ आणि २ चे बांधकाम बेकायदेशीर असून त्याच्या पायऱ्या अतिक्रमित आहेत, तरी हे अतिक्रमण काढून, बेकायदेशीर बांधकाम ३१ मे पर्यंत मूळ नकाशा प्रमाणे केले नाही तर विरोधी पक्ष नेते विरोधी गटाचे नगरसेवक दि. १ जून २०२१ पासून धरणे आंदोलन करणार  असल्याचे निवेदन देण्यात आले आहे.

    फलटण नगर परिषदेचे मुख्याधिकारी यांना विरोधी गटातील नगरसेवकांच्या वतीने देण्यात आलेल्या निवेदनात असे म्हटले आहे की, राजधानी टॉवरमधील गाळा क्रमांक १ आणि २ चे बांधकाम बेकायदेशीर असून त्याच्या पायऱ्या अतिक्रमित आहेत, तरी हे अतिक्रमण काढून, बेकायदेशीर बांधकाम मूळ नकाशा प्रमाणे होने आवश्यक असल्याची मागणी करून देखील नगर पालिका राजकीय दबावाखाली कारवाई करण्याचे टाळत आहे. त्यामुळे येत्या ३१ मे पर्यंत पालिकेने कारवाई करण्याची भूमिका घेतली नाही तर सर्व विरोधी आघाडीचे नगरसेवक नगरपालिके समोर दि.१ जून पासून नगर परिषदेच्या समोर बेमुदत धरणे आंदोलन करणार असल्याचा इशारा नगरसेवक अशोकराव जाधव यांनी फलटण नगर पालिकेला दिला आहे. 

    याबाबतचे निवेदन नगर पालिका प्रशासन, उपविभागीय अधिकारी आणि फलटण शहर पोलीस स्टेशनला देण्यात आले आले आहे. याप्रसंगी नगरसेवक सचिन अहिवळे व सहकारी उपस्थित होते. दरम्यान, १ जून रोजी  कोरोना प्रतिबंधक नियम पाळून आंदोलन होणार आहे.