फलटण तालुक्यात कोरोनाचे 6 रुग्ण; जाधववाडी 2, फरांदवाडी 3, साखरवाडी 1

        फलटण (गंधवार्ता वृत्तसेवा) - फलटण तालुक्यातील 6 व्यक्तींच्या कोविड 19 च्या  चाचण्या पॉझिटिव्ह आल्या आहेत. मौजे जाधववाडी ता. फलटण येथे दोन रुग्ण,  साखरवाडी ता. फलटण येथे एक व फरांदवाडी येथे तीन रुग्णांच्या कोविड चाचण्या पॉझिटिव्ह आल्या असल्याची माहिती उपविभागीय अधिकारी शिवाजीराव जगताप यांनी दिली आहे.

         मौजे जाधववाडी ता. फलटण  येथील पूर्वी पॉझिटिव्ह आलेल्या व्यक्तीच्या ( वडील) निकट संपर्कातील १३ व ६ वर्षीय मुली कोविड चाचण्या पॉझिटिव्ह आल्या आहेत.  मौजे साखरवाडी ता. फलटण  येथील ४५ वर्षीय पुरुषाची कोविड चाचणी पॉझिटिव्ह आली आहे. मौजे फरांदवाडी ता. फलटण येथील पूर्वी पॉझिटिव्ह आलेल्या व्यक्तीच्या निकट संपर्कातील ६९ वर्षीय पुरुष व ५ वर्ष व २ महिने वयाची मुले यांची कोविड चाचणी पॉझिटिव्ह आली असल्याची माहिती उपविभागीय अधिकारी शिवाजीराव जगताप यांनी दिली आहे.