राजनभाऊ फराटे यांच्यावर ॲट्रॉसिटी ॲक्ट अंतर्गत गुन्हा दाखल

Rajanbhau Farate booked under Atrocities Act

    फलटण (गंधवार्ता वृत्तसेवा) दि.३० - आसू तालुका फलटण येथे आसु ते बारामती जाणाऱ्या रस्त्यावर, नीरा नदी बंधाऱ्यावर गाडी मागे न घेतल्याच्या कारणावरून आसू येथील दाम्पत्यास जाती वाचक शिव्या व मारहाण केल्याप्रकरणी राजनभाऊ  फराटे यांच्यावर ॲट्रॉसिटी ॲक्ट अंतर्गत गुन्हा दाखल करण्यात आला आहे. 

    दि. ३० नोव्हेंबर २०२५ रोजी दुपारी ३.४० वाजण्याच्या सुमारास मौजे आसु ता. फलटण गावचे हद्दीत आसु ते बारामती जाणारे निरा नदीच्या बंधाऱ्यावर, सौ. रमा पवार व त्यांचे पती नंदकुमार असे आसु बाजुकडुन बारामती बाजुकडे निघाले असताना, बारामती बाजुकडुन पांढरे रंगाची कार क्रमांक MH-42 CS 4545 मधुन राजन दिनकर फराटे रा. आसु ता फलटण जि सातारा. यांनी उतरुन गाडी मागे न घेतल्याच्या करणावरुन चिडुन जावुन,  जातीवाचक शिवीगाळी करुन, हाताने मारुन, जिवे मारण्याची धमकी दिली, झालेल्या मारहाणीत पवार यांच्या गळ्यातील सोन्याचे मंगळसूतत्र तुटुन कोठेतरी  गहाळ झाले असल्याची फिर्याद  रमा नंदकुमार पवार यांनी दिली आहे.