फलटण नगरपालिकेची निवडणुक झाल्याशिवाय निकाल जाहीर करु नये

Phaltan Municipal Corporation election results should not be announced until after it is over

    फलटण (गंधवार्ता वृत्तसेवा) दि 30 नोव्हेंबर नगरपालिकेचे इतिहासात अशा पद्धतीने निवडणूक स्थगित करून पुढे जाण्याची ही पहिलीच वेळ आहे पुढे जाण्याची कारणे काहीही असली तरी निवडणूक पुढे गेलेली आहे त्यास आम्ही उच्च न्यायालयात चॅलेंज करणार आहोतच परंतु राज्य निवडणूक आयोगाने आम्ही कळवले आहे की जिल्ह्यामध्ये महाबळेश्वर आणि फलटण सोडले तर बाकीच्या दोन तारखे दोन डिसेंबरला होणार असून तीन तारखेला निकाल आहे या निकालाचा परिणाम आमच्या नगरपालिका निवडणुकीवरून होऊ नये म्हणून ज्या पद्धतीने लोकसभेची टप्प्याटप्प्याने इलेक्शन असते आणि सर्व टप्पे पूर्ण झाल्यानंतर निकाल जाहीर करण्यात येतो त्याच धर्तीवर फलटण व महाबळेश्वर नगरपालिकेची निवडणूक पूर्ण होत नाही तोपर्यंत बाकीचा निकाल राखून ठेवावा अशी मागणी विधान परिषदेचे माजी सभापती श्रीमंत रामराजे नाईक निंबाळकर यांनी केली.

    फलटण नगरपालिकेची निवडणूक लांबणीवर पडल्यानंतर शिवसेना व मित्र पक्षाच्या सर्व उमेदवारांनी विधान परिषदेचे माजी सभापती श्रीमंत रामराजे नाईक निंबाळकर चर्चा केल्यानंतर सर्वानुमते, दोन्ही टप्प्यातील निवडणुका पूर्ण झाल्यानंतरच निकाल जाहीर करावा अशी मागणी प्रांताधिकारी यांच्यामार्फत निवडणूक आयोगाकडे करण्यात आली. या पार्श्वभूमीवर श्रीमंत रामराजे नाईक निंबाळकर बोलत होते.

    फलटण नगरपालिकेचा निकाल जाहीर कराल त्याच दिवशी सातारा जिल्ह्यातील सर्व नगरपालिकांचे निकाल जाहीर करावेत, अशी मागणी फलटण नगरपालिकेच्या नगराध्यक्ष पदाचे उमेदवार श्रीमंत अनिकेत राजे नाईक निंबाळकर यांनी केली.

    प्रशासकीय अडचणी उद्भवल्यामुळे नाराज झालेल्या मंडळींनी न्यायालयात दाद मागितल्यानंतर फलटण, महाबळेश्वर तसेच बारामती, मंगळवेढा, अंबरनाथ, यवतमाळ आदी नगरपालिका व पंचायत समितीच्या निवडणुका पुढे ढकलण्यात आल्याचे समजत आहे, 2 डिसेंबरला संपूर्ण राज्यात मतदान होत असून 3 डिसेंबरला याचा निकाल जाहीर होत आहे. ही निवडणूक आता दोन टप्प्यांमध्ये होत असताना दिसते तरी शासनाकडे आमची प्रमुख मागणी आहे की, जोपर्यंत दुसऱ्या टप्प्यातील निवडणुका पूर्ण होत नाहीत, तोपर्यंत पहिल्या टप्प्यातील निवडणुकांचे निकाल थांबवावे दुसऱ्या टप्प्यातील निवडणुका झाल्यानंतर एकत्रित निकाल जाहीर करावे अशी मागणी राष्ट्रीय काँग्रेसचे तालुकाध्यक्ष सचिन सूर्यवंशी बेडके यांनी केली.