रामराजे महायुतीत असतील तर राष्ट्रवादी उमेदवारांचाही प्रचार करावा - आ सचिन पाटील

If Ramraje is in the Mahayuti, he should also campaign for NCP candidates - Aa Sachin Patil

    फलटण (गंधवार्ता वृत्तसेवा) दि.२९ - श्रीमंत रामराजे नाईक निंबाळकर सांगत आहेत की, मी महायुतीत आहे, मग घड्याळ चिन्हावर उभे असलेल्या उमेदवारांच्या प्रचारासाठी यावे असे आवाहन आमदार सचिन पाटील यांनी केले.

    प्रभाग क्रमांक 13 मध्ये महायुतीच्या उमेदवारांच्या प्रचारासाठी होम टू होम प्रचार करीत असताना, आमदार सचिन पाटील पत्रकारांशी बोलत होते. यावेळी बोलताना आमदार सचिन पाटील यांनी सांगितले की, श्रीमंत रामराजे नाईक निंबाळकर हे राष्ट्रवादी काँग्रेसचे आमदार आहेत तर मग ते त्याच उमेदवारांच्या विरोधात उभे असलेल्या उमेदवारांच्या स्टेजवर कसे?असा प्रश्न उपस्थित करीत गेली तीस वर्षे या फलटण शहराचा विकास का केला नाही, आत्ता आम्ही ज्या प्रभागात फिरतोय त्याच प्रभागातून त्यांनी राजकीय सुरुवात केली, त्या प्रभागात सुद्धा त्यांनी मूलभूत सुविधा उपलब्ध करून दिल्या नाहीत, तसेच आत्ता त्यांचे चिरंजीव नगराध्यक्ष पदाचे उमेदवार आहेत, मात्र ते जेव्हा पंधरा वर्षांपूर्वी नगरसेवक होते तेव्हा त्यांनी पालिकेत आपली उपस्थिती सुद्धा लावली न्हवती त्यामुळे त्यांना अपात्र करावे यासाठी तक्रार दाखल करण्यात आली होती हे आमदारांनी आवर्जून सांगितले.

    दरम्यान आज शनिवार दि.29 रोजी आमदार सचिन पाटील यांनी प्रभाग क्रमांक 13 मधील नगराध्यक्ष पदाचे उमेदवार समशेरसिंह नाईक निंबाळकर भाजपाच्या उमेदवार सौ.रुपाली अमोल सस्ते,सौ.मोहिनी मंगेश हेंद्रे व राष्ट्रवादी काँग्रेसचे उमेदवार राहुलभैय्या निंबाळकर यांच्या प्रचारार्थ काढलेल्या प्रचार फेरीत त्यांना पत्रकारांनी विचारलेल्या प्रश्नांना उत्तर देताना, आमदार सचिन पाटील यांनी सांगितले की माजी खासदार रणजितसिंह नाईक निंबाळकर यांच्या नेतृत्वाखाली आम्ही फलटण पालिकेची निवडणूक लढवित असून आमच्या सर्वच उमेदवारांना मतदारांचा चांगला प्रतिसाद मिळत असून हा मिळणारा प्रतिसाद आमचे सर्वच उमेदवार निवडून येतील, अन् फलटण शहराचा सर्वांगीण विकास करण्यासाठी समशेरसिंह नाईक निंबाळकर यांच्या मार्गदर्शनाखाली हे सर्व नगरसेवक नक्कीच विकास करतील असा विश्वास व्यक्त केला.