फलटण पंचायत समिती सदस्य आरक्षण सोडत जाहीर ; १० सर्वसाधारण, ४ ओबीसी व २ अनुसूचित जाती
फलटण (गंधवार्ता वृत्तसेवा) दि.१३ ऑक्टोबर — फलटण पंचायत समिती सदस्य पदांसाठीची आरक्षण सोडत आज सजाई गार्डन, जाधववाडी येथे पार पडली. या सोडतीमध्ये एकूण १६ गणांपैकी ८ गण हे महिलांसाठी राखीव करण्यात आले आहेत. तर एकूण १६ गणांपैकी १० गण सर्वसाधारण, ४ गण नागरिकांचा मागास प्रवर्ग (ओबीसी) व २ गण अनुसूचित जाती (एससी) प्रवर्गासाठी आरक्षित करण्यात आले आहेत.
यावेळी प्रांताधिकारी प्रियंका आंबेकर व तहसीलदार डॉ. अभिजीत जाधव यांच्या मार्गदर्शनाखाली ही आरक्षण प्रक्रिया पार पडली. शाळेतील मुला-मुलींच्या हस्ते आरक्षणाच्या चिठ्ठ्या काढण्यात आल्या.
दरम्यान, साखरवाडी–पिंपळवाडी, सांगवी आणि या गणांना विशेष महत्व प्राप्त झाले आहे. कारण पंचायत समिती सभापतीपद नागरिकांचा मागास प्रवर्ग (ओबीसी) महिला या प्रवर्गासाठी आरक्षित झाले असून, या २ गणांमध्ये ओबीसी आरक्षण आहे. त्यामुळे या गणांमध्ये राजकीय चुरस वाढण्याची चिन्हे आहेत.
या सोडतीनंतर आगामी पंचायत समिती निवडणुकीची रंगत वाढणार असून विविध गणांमध्ये इच्छुकांची हालचाल सुरू झाली आहे.
आरक्षण सोडत पुढीलप्रमाणे जाहीर झाली:
पाडेगाव – सर्वसाधारण
तरडगाव – सर्वसाधारण (महिला)
साखरवाडी-पिंपळवाडी – नागरिकांचा मागास प्रवर्ग (महिला)
सस्तेवाडी – नागरिकांचा मागास प्रवर्ग
सांगवी – नागरिकांचा मागास प्रवर्ग (महिला)
विडणी – सर्वसाधारण
गुणवरे – अनुसूचित जाती (महिला)
आसू – अनुसूचित जाती
बरड – सर्वसाधारण (महिला)
दुधेबावी – सर्वसाधारण (महिला)
कोळकी – सर्वसाधारण
जाधववाडी (फ) – सर्वसाधारण
वाठार निंबाळकर – सर्वसाधारण (महिला)
सुरवडी – सर्वसाधारण
सासवड – नागरिकांचा मागास प्रवर्ग
हिंगणगाव – सर्वसाधारण (महिला)
No comments