जे. पी. गावडे यांची प्रादेशिक उपसंचालक (साखर) म्हणून पदोन्नती

J. P. Gawade promoted to Regional Deputy Director (Sugar)

    फलटण (गंधवार्ता वृत्तसेवा) दि.१६ ऑक्टोबर - सहाय्यक निबंधक (सहकारी संस्था) म्हणून फलटण येथे कार्यरत असलेले जे. पी. गावडे यांची प्रादेशिक उपसंचालक (साखर) म्हणून पदोन्नती झाली असून, त्यांची नियुक्ती सोलापूर येथे करण्यात आली आहे. त्यांच्या या पदोन्नतीबद्दल त्यांचे सर्वत्र अभिनंदन होत आहे.

    जे.पी.गावडे यांची पदोन्नती गट–ब संवर्गातून उपनिबंधक, सहकारी संस्था गट–अ संवर्गात करण्यात आली आहे. सहकार क्षेत्रातील त्यांच्या कामकाजाची दखल घेत ही पदोन्नती देण्यात आली आहे.

    जे. पी. गावडे हे गुणवरे (ता. फलटण) येथील सुपुत्र असून, फलटण तालुक्यातील नागरिकांच्या विविध अडचणी सोडवण्यात ते नेहमीच पुढाकार घेतात. त्यांच्या लोकसंपर्क व सहकार्य वृत्तीमुळे त्यांना सर्व स्तरातून शुभेच्छा मिळत आहेत.