पदवीधर व शिक्षक मतदार नोंदणीसाठी 6 नोव्हेंबर पर्यंत मुदत

Deadline for graduate and teacher voter registration is November 6th

    सातारा  - शिक्षक व पदवीधर मतदार  नोंदणीसाठी 6 नोव्हेंबर पर्यंत मुदत आहे. तरी जिल्ह्यातील पदवीधर व मान्यताप्राप्त माध्यमिक व उच्च माध्यमिक महाविद्यालयामधील शिक्षकांनी मुदतीत नोंदणी करावी, असे आवाहन जिल्हाधिकारी संतोष पाटील यांनी केले आहे.

    जिल्हाधिकारी श्री. पाटील यांनी शिक्षक व पदवीधर मतदार नोंदणीचा आढावा व्हीसीद्वारे घेतला. या बैठकीला उपजिल्हा निवडणूक अधिकारी दादासाहेब कांबळे यांच्यासह सर्व प्रांत अधिकारी तहसीलदार उपस्थित होते.
जिल्ह्यातील एकही शासकीय अधिकारी व  कर्मचारी पदवीधर मतदार नोंदणी  पासून वंचित राहणार नाही याची दक्षता घ्यावी. नोंदणीचे काम मिशन मोडवर करावे. यासाठी प्रांताधिकारी यांनी तालुकास्तरीय अधिकाऱ्यांची  तात्काळ बैठक घ्यावी. पदवीधर मतदान नोंदणीसाठी राजकीय पक्षांची व जिल्ह्यातील  महाविद्यालयांची मदत घ्यावी. तसेच बरेच शिक्षक ही पदवीधर आहेत त्यांचीही पदवीधर मतदार म्हणून नोंद करावी.

    मान्यताप्राप्त माध्यमिक व उच्च माध्यमिक शाळांमधील शिक्षकांची माहिती घेऊन नोंदणी करावी. एकही शिक्षक नोंदणी पासून वंचित राहणार नाही यासाठी प्राचार्य व मुख्याध्यापकांची बैठक घ्यावी,अशा सूचनाही जिल्हाधिकारी श्री. पाटील यांनी केले.