वाखरी ट्रान्सफॉर्मरमधून २२ हजार रुपयांची तांब्याची तार व ऑइलची चोरी

Theft of copper wire and oil worth 22 thousand rupees from Wakhri transformer

    फलटण (गंधवार्ता वृत्तसेवा)  दि.२० : फलटण तालुक्यातील वाखरी येथील  डीपी ट्रान्सफॉर्मरमधून ५० किलो तांब्याची तार व ४० लिटर ऑइल असा एकुण २२ हजार रुपयांचा मुद्देमाल आज्ञात चोरट्याने चोरुन नेला व ऑइल सांडून नुकसान केले आहे.

          याबाबत फलटण ग्रामीण पोलिस ठाण्यातुन मिळालेली माहिती अशी की, दिनांक १८/५/२०२३ रोजी सकाळी ८ वाजण्याच्या पूर्वी फलटण तालुक्यातील वाखरी येथील  डीपी नंबर ११३५९८  या ट्रान्सफॉर्मरमधून ५० किलो तांब्याची तार व ४० लिटर ऑइल असा एकुण २२ हजार रुपयांचा मुद्देमाल आज्ञात चोरट्याने चोरुन नेला व ऑइल सांडून नुकसान केले असल्याची फिर्याद तानाजी महादेव मुळीक वायरमन म. रा. वि. वि.कंपनी  रा. कोळकी ता. फलटण यांनी दिली आहे. अधिक तपास महिला पोलीस हवालदार कदम करीत आहेत.