प्रभाग क्रमांक ११ मध्ये विविध विकास कामांचा शुभारंभ
फलटण दि. 23 सप्टेंबर (गंधवार्ता वृत्तसेवा) - प्रभाग क्रमांक ११ मधील बारस्कर गल्ली भागात पिण्याच्या पाण्याची नवीन लाईन, गटारासाठी सिमेंट पाईप लाईन आणि नवीन डांबरी रस्त्याच्या कामांचा शुभारंभ मान्यवरांच्या हस्ते करण्यात आला.
विधान परिषदेचे सभापती श्रीमंत रामराजे नाईक निंबाळकर, आमदार दिपक चव्हाण, कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांच्या मार्गदर्शनाखाली फलटण शहरात विविध विकास कामे होत आहेत. प्रभाग क्र.११ च्या नगरसेविका ॲड. सौ.मधुबाला भोसले यांच्या सततच्या पाठपुराव्यामुळे या भागातील विकास कामे प्रगतीपथावर आहेत.
यावेळी नगरसेविका ॲड.सौ.मधुबाला भोसले म्हणाल्या, प्रभाग क्रमांक 11 मध्ये ओपन जिम, पिरॅमिड चौक ते पद्मावती नगर डांबरीकरण रस्ता, दत्तनगर परिसरात पाईपलाईन तसेच शौचालयाचा प्रश्न , स्वामी विवेकानंद नगर मधील सर्व डांबरी रस्ते , काँक्रीट गटाराची कामे, बारस्कर गल्लीतील विविध विकास कामे मार्गी लागत आहेत. कोरोनाच्या पार्श्वभूमीवर या भागातील सर्वसामान्य नागरिकांना जीवनावश्यक वस्तू, भाजीपाला, दूध आदी चे वाटप करून आधार देण्याचा प्रयत्न आपण करत आहोत. ना. श्रीमंत रामराजे नाईक निंबाळकर , श्रीमंत संजीवराजे नाईक निंबाळकर, श्रीमंत रघुनाथराजे नाईक निंबाळकर ,तसेच आमदार दीपक चव्हाण यांच्या मार्गदर्शनाने व सहकार्याने या भागातील विविध विकास कामे आपण मार्गी लावू शकलो याचे समाधान आहे. कार्यक्रमास फलटण नगरपरिषदेचे अभियंता साठे साहेब, सिकंदर डांगे, नाना मोहिते, प्रभागातील नागरिक आदी उपस्थित होते.
ॲड .सौ.मधुबाला भोसले यांनी उपस्थितांचे स्वागत केले. सद्गुरू पतसंस्थेचे चेअरमन तेजसिंह भोसले यांनी आभार मानले.
No comments