फलटण तालुक्याच्या पुर्व भागात भाजपची ताकद वाढणार - जयकुमार शिंदे

BJP's strength will increase in the eastern part of Phaltan taluka - Jayakumar Shinde

    फलटण (गंधवार्ता वृत्तसेवा)  -  खा. रणजितसिंह नाईक निंबाळकर यांच्या नेतृत्वाखाली फलटण तालुक्यातील पूर्व भागामध्ये भारतीय जनता पार्टीची ताकद वाढवणार असल्याचे जिल्हा उपाध्यक्ष जयकुमार शिंदे यांनी सांगितले.

    मुंजवडी येथे भारतीय जनता पक्षाच्या नव्या व जुन्या कार्यकर्त्यांची एकत्रित बैठक संपन्न झाली. यावेळी  जिल्हा उपाध्यक्ष जयकुमार शिंदे बोलत होते.

 खासदार रणजितसिंह नाईक निंबाळकर यांच्या नेतृत्वाखाली या भागातील सर्व कार्यकर्त्यांनी एकत्रित येऊन गावाच्या विकासासाठी काम  करावे व गावातील उर्वरित राहिलेले प्रश्न खा. रणजितसिंह नाईक निंबाळकर यांच्या माध्यमातून आम्ही सोडविण्यास कटिबद्ध आहोत असेही सांगितले. आपापसातील मतभेद विसरून भारतीय जनता पक्षाच्या झेंड्याखाली येणाऱ्या सर्व आगामी निवडणुका सोसायटी, जिल्हा परिषद, पंचायत समिती, हातात हात घालून कार्यकर्त्यांनी लढाव्या, त्यासाठी लागणारी ताकद पक्ष म्हणून तुमच्या पाठीशी उभी करू असे स्पष्ट केले.

 यावेळी तालुकाध्यक्ष बजरंग गावडे यांनी या भागातील जनतेसाठी आम्ही सदैव तयार आहोत, कधीही आपण बोलवाल त्यावेळेला कार्यकर्त्यांसाठी हाकेला उभे राहू असे सांगितले.

 यावेळी गावातील प्रमुख पदाधिकाऱ्यांनी आपली भूमिका स्पष्ट केली व येथुन पुढे आम्ही एकत्रित बसुन निर्णय घेऊ असे सांगितले.

    बैठकीस भटक्या विमुक्त जमाती सेलचे तालुकाध्यक्ष सुनील जाधव, खा.रणजीतसिंह नाईक निंबाळकर यांचे स्वीय सहाय्यक राजेश शिंदे, जनार्दन ठणके पाटील माजी चेअरमन रामभाऊ येडे, मा सरपंच बाळासाहेब निंबाळकर, विजय ठणके,  शंकराव पवार, मा सरपंच पोपटराव साळुंखे, ग्रामपंचायत सदस्य सागर ठणके,  आप्पासाहेब पवार,  विकास रणदिवे, बाळासाहेब घाडगे, माणिकराव साळुंखे, नारायण घाडगे, लालासो साळुंखे,  माऊली ठणके, निलेश पवार, राजेंद्र पवार, शरद पवार, शरद पवार, पिंटू ठणके, दादासो ठणके, प्रभाकर निखळे, सुनील निखळे, सोमनाथ ठणके,शिवाजी घाडगे, अमोल घाडगे,बापूराव भंडलकर, गंगाराम रणदिवे, प्रदीप जाधव, पांडुरंग ठणके, विशाल  ठणके उपस्थित होते.  गंगाराम रणदिवे यांनी  सूत्रसंचालन केले तर   शरद झेंडे यांनी आभार मानले.