... बहुतेक फुलपाखराला ही फोटो काढून घेणे आवडत असावे

सध्या अशी फुलपाखरं कोषातून बाहेर आहेत... सुंदर रंग, पंखावर वेगवेगळी सुंदर नक्षी, युनिक फिचर्स असलेली ही फुलपाखरे, आपलं लक्ष वेधून घेत या त्याच्या अल्प आयुष्याचा मनमुराद आनंद घेत आहेत... विविध फुलांच्या ताटव्यावर बसून त्यातील मकरंदाचा अलगदपणे आस्वाद घेत त्या फुलांना अजून सुंदर बनवतात ही अशी फुलपाखरे. 

ऊसाच्या वाळलेल्या पाल्यावर हे टायगर फुलपाखरु भिरभिरत होतं... थांबून याचा अंदाज घेतला आणि लांबूनच फोटो क्लिक केले... बहुतेक या फुलपाखराला ही फोटो काढून घेणे आवडत असावे, सुरवातीला हे दबकत इकडे तिकडे फिरत होते, पण माझा ही अंदाज घेऊन हे पाखरु एका वाळलेल्या पानावर निवांत बसले... मी खूप जवळून फोटो घेताना देखील शांत बसून होते. एकदा का तुम्हाला समोरुन धोका नाही हे कळलं की निसर्गातील हे जीव तुमच्या सहवासात भारावतात.  

 - सचिन श्रावस्ती, जयसिंगपूर