फलटण उपजिल्हा रुग्णालयासह लाईफ लाईन व साई हॉस्पिटल हे 'कोविड हॉस्पिटल' म्हणुन अधिग्रहित

 

Life Line and Sai Hospital along with Phaltan Sub-District Hospital acquired as 'Covid Hospital'

          फलटण दि 31 ऑगस्ट (गंधवार्ता वृत्तसेवा) - कोरोना बाधित रुग्णांची संख्या वाढू लागल्याने, फलटण येथील खाजगी हॉस्पिटलांचे शासनाकडून अधिग्रहण सुरू आहे. फलटण येथील उपजिल्हा रुग्णालय,  लाईफ लाईन हॉस्पिटल व  साई हॉस्पिटल हे कोविड डेडिकेटेड हॉस्पिटल म्हणून अधिग्रहित करण्यात आले आहे.

        आंतरराष्ट्रीय स्तरावरुन व देशांतर्गत कोरोना विषाण संसर्ग बाधित रुग्ण आढळत आहेत. सातारा जिल्हयातही सद्यस्थितीत मोठया प्रमाणावर कोरोना बाधित रुग्ण आढळत असून, कोरोना बाधित रुग्णांचे मृत्यूचे प्रमाणातही मोठ्या प्रमाणात वाढ हात आहे. यामुळे संसर्ग वाढण्याची शक्यता लक्षात घेता त्यावर तात्काळ नियंत्रण करणे व विषाणूचे संसर्गात अधिक वाढ होऊ न देता त्यावर प्रतिबंधात्मक उपाययोजना आखणे आवश्यक आहे. सदर संशयित रुग्णांमुळे आपत्तीजनक परिस्थिती सातारा जिल्हयात उदभवू नवे यासाठी पूर्वतयारी करणे अगत्याचे झाले आहे. 

        कोरोना विषाणू प्रतिबंधात्मक उपाययोजना म्हणून अत्यावश्यक सेवेसाठी लाईफ लाईन हॉस्पीटल, फलटण हे हॉस्पीटल कोविड - 19 बाधित रुग्णांवर उपचार करणेसाठी सदर हॉस्पीटल मधील चल अचल साहित्यासह कार्यरत असणारा सर्व स्टाफसह अधिग्रहीत करण्यात येत असून, सदरचे हॉस्पीटल हे डेडीकेटेड कोविड रुग्णालय म्हणून घोषीत करणेत येत आहे. तरा आपण आपल्या हॉस्पीटल मध्ये सुसज्ज असे एकूण 30 खाटांचे विलगीकरण कक्ष तयार करावेत. सदर विलगीकरण कक्षामध्ये अतिदक्षता विभागातील किमान 16 खाटांचा समावेश करणे बंधनकारक राहिल, लाईफ लाईन हॉस्पीटल मधील विलगीकरण कक्षात आवश्यक ते व्हेंटीलेटर व इतर आवश्यक यंत्रसामुग्रीची तात्काळ तयारी करुन, विलगीकरण कक्ष ( Isolation Facility) सुसज्ज ठेऊन Throat Swab घेण्याची तयारी करावी असे आदेश जिल्हाधिकारी शेखर सिन्हा यांनी दिले आहेत. 

        तसेच कोरोना विषाणू प्रतिबंधात्मक उपाययोजना म्हणून अत्यावश्यक सेवेसाठी उप जिल्हा रुग्णालय, फलटण, ता.फलटण हे रुग्णालय डेडीकेटेड कोविड रुग्णालय म्हणून घोषीत करणेत आले आहे.  सदर रुग्णालयामध्ये कोवीड -19 चे बाधित रुग्णांसाठी सुसज्ज असे एकूण 40 खाटांचे विलगीकरण कक्ष तयार करावे. विलगीकरण कक्षामध्ये अतिदक्षता विभागातील किमान 06 व ऑक्सीजनचे 24 आणि इतर 10 खाटांचा त्यामध्ये समावेश करणे बंधनकारक राहिल. सदर रुग्णालयामधील विलगीकरण कक्षात आवश्यक ते व्हेंटीलेटर व इतर आवश्यक यंत्रसामुग्रीची तात्काळ पूर्तता करुन, विलगीकरण कक्ष ( Isolation Facility) सुसज्ज ठेऊन Throat Swab घेण्याची तयारी करावी असे आदेश जिल्हाधिकारी शेखर सिन्हा यांनी दिले आहेत.

         कोराना विषाणू प्रतिबंधात्मक उपाययोजना म्हणून अत्यावश्यक सेवेसाठी साई हॉस्पीटल, फलटण हे हॉस्पीटल कोबीड 19 बाधित रुग्णांवर उपचार करणेसाठी सदर हॉस्पीटल मधील चल अचल साहित्यासह कार्यरत असणारा सर्व स्टाफसह अधिग्रहीत करण्यात येत असून, सदरचे हॉस्पीटल हे डेडीकेटेड कोवीड रुग्णालय म्हणून घोषीत करणेत येत आहे.  हॉस्पीटल मध्ये सुसज्ज असे एकूण 30 खाटांचे विलगीकरण कक्ष तयार करावेत. सदर विलगीकरण कक्षामध्ये अतिदक्षता विभागातील किमान 12 खाटांचा समावेश करणे बंधनकारक राहिल, तरी आपले हॉस्पीटल मधील विलगीकरण कक्षात आवश्यक ते वेटीलेटर व इतर आवश्यक यंत्रसामुग्रीची तात्काळ तयारी करुन, विलगीकरण कक्ष ( Isolation Facility) सुसज्ज ठेऊन Throat Swab घेण्याची तयारी करावी असे आदेश जिल्हाधिकारी शेखर सिन्हा यांनी दिले आहेत.

        सदर आदेशाची तात्काळ व काटेकोरपणे अंमलबजावणी करणेची आहे. सदर आदेशाची अंमलबजावणी करण्यास विलंब अथवा टाळाटाळ केलेस संबंधित हॉस्पिटल विरुध्द आपत्ती व्यवस्थापन कायदा 2005 व साधरोग नियंत्रण कायदा 1897 अन्वये पुढील कठोर कारवाई करणेत येईल असा इशारा जिल्हाधिकारी शेखर सिन्हा यांनी आदेशात दिला आहेत.