पत्रकार दिनानिमित्त दिवंगत पत्रकारांच्या स्मृती प्रित्यर्थ माळजाई उद्यान येथे वृक्षारोपण आणि क्रिकेट स्पर्धा

Tree plantation and cricket tournament at Maljai Garden in memory of deceased journalists on the occasion of Press Day

     फलटण दि. ५ : मराठी भाषेतील पहिले वृत्तपत्र "दर्पण" दि. ६ जानेवारी १८३२ रोजी प्रसिद्ध झाल्याच्या पार्श्वभूमीवर प्रतिवर्षी दि. ६ जानेवारी हा दिवस पत्रकार दिन म्हणून साजरा करण्यात येतो. फलटण येथे त्यानिमित्ताने विविध कार्यक्रमांचे आयोजन करण्यात आले आहे.

    दि. ६ जानेवारी रोजी पत्रकार दिनानिमित्त माळजाई उद्यान येथे फलटण शहर व तालुक्यातील दिवंगत पत्रकारांच्या स्मृती प्रित्यर्थ शहर व तालुक्यातील पत्रकार आणि माळजाई उद्यान समिती यांच्या सहभागाने वृक्षारोपण व वृक्षसंवर्धन अशा एका महत्त्वाकांक्षी कार्यक्रमाचे आयोजन करण्यात आले आहे. शहर व तालुक्यातील दिवंगत पत्रकारांच्या नावाने एक झाड लावून त्याचे संवर्धन करण्याची योजना तयार करण्यात आली असून दि. ६ जानेवारी रोजी सकाळी ९ वाजता माळजाई उद्यान येथे वृक्षारोपण कार्यक्रमाचे आयोजन करण्यात आले आहे.

    तसेच फलटण येथे शहर व तालुक्यातील पत्रकार आणि सर्व राजकीय पक्षांचे पदाधिकारी, कार्यकर्ते, शासकीय/ निमशासकीय अधिकारी, कर्मचारी आणि फलटणकर नागरिकांच्या माध्यमातून  अखिल भारतीय मराठी पत्रकार परिषदेचे माजी अध्यक्ष, माजी आमदार, शिवसंदेशकार कॉम्रेड हरिभाऊ निंबाळकर चषक क्रिकेट स्पर्धांचे आयोजन  करण्यात येते.दि. ७ व ८ जानेवारी रोजी निमंत्रितांच्या क्रिकेट स्पर्धांचे आयोजन करण्यात आले असून बुधवार दि. ७ जानेवारी रोजी सकाळी ९ वाजता घडसोली मैदान, फलटण येथे या स्पर्धांचे उद्घाटन मान्यवरांच्या हस्ते समारंभपूर्वक करण्यात येणार आहे, त्यानंतर पत्रकार व राजकीय नेते कार्यकर्ते यांच्या संघांमध्ये प्रेक्षणीय क्रिकेट सामना आयोजित करण्यात आला आहे.

    तरी वृक्षारोपण समारंभास आणि क्रिकेट स्पर्धांच्या उद्घाटन समारंभ व प्रेक्षणीय सामन्यासाठी उपस्थित रहावे, अशी विनंती फलटण शहर व तालुक्यातील पत्रकारांच्यावतीने करण्यात आली आहे.