नगराध्यक्ष अनिकेतराजे = भ्रष्टाचारमुक्त प्रशासन! श्रीमंत संजीवराजेंची ठाम ग्वाही
फलटण (गंधवार्ता वृत्तसेवा) दि.२९ - “अनिकेत राजे नाईक निंबाळकर हे नगराध्यक्ष झाल्यास फलटण नगरपरिषदेचा कारभार पूर्णपणे भ्रष्टाचारमुक्त होईल, याची मी ग्वाही देतो,” असे मत जिल्हा परिषद माजी अध्यक्ष श्रीमंत संजीवराजे नाईक निंबाळकर यांनी व्यक्त केले.
प्रभाग क्रमांक 11 मधील शिवसेना व मित्र पक्षाच्या उमेदवारांच्या प्रचारार्थ नवग्रह मंदिर येथे आयोजित कोपरा सभेत ते बोलत होते. यावेळी प्रभाग 11 चे उमेदवार कृष्णात उर्फ दादा चोरमले, सौ. प्रियांका युवराज निकम तसेच प्रभागातील मान्यवर उपस्थित होते.
यावेळी बोलताना श्रीमंत संजीवराजे म्हणाले की, “फलटणचा पाणीपुरवठा हा पुण्यासारख्या महानगरांनाही मागे टाकणारा आहे. रामराजेंनी केलेल्या दूरगामी नियोजनामुळे ही पाणीपुरवठा योजना कितीही लोकसंख्या वाढली तरी पाणीटंचाई भासणार नाही.”
शहरातील वाढत्या समस्यांचा उल्लेख करताना ते म्हणाले की, “घरांच्या वर गेलेले रस्ते पुन्हा पूर्वीच्या लेव्हलला आणणे गरजेचे आहे. तसेच फलटण शहराची हद्द वाढवून परिसरातील वाढत्या वसाहती शहरात समाविष्ट करून नियोजनबद्ध विकास साधू.”
कोपरा सभेला प्रभागातील नागरिकांनी उत्स्फूर्त प्रतिसाद दिला.
.jpeg)
No comments