धुळदेव येथे अशोक लेलँड ची दुचाकीला धडक ; एक ठार

Ashok Leyland hits a two-wheeler in Dhule; one killed

    फलटण (गंधवार्ता वृत्तसेवा)दि.१० जुलै २०२५ - पालखी मार्ग बाह्यवळण व फलटण -  धुळदेव रोड क्रॉसिंग होतो त्या ठिकाणी धुळदेव गावचे हद्दीत अशोक लेलँड ट्रक चालकाने रस्त्याच्या परिस्थितीकडे दुर्लक्ष करत भरधाव वेगात ट्रक चालवत, समोरून दुचाकी स्वारास धडक दिल्याने, झालेल्या अपघातात दुचाकीस्वार ठार झाला आहे.

    फलटण शहर पोलीस स्टेशन कडून मिळालेल्या माहितीनुसार दि.09/07/2025 रोजी सायंकाळी 7.30 वाजण्याच्या सुमारास फलटण ते पंढरपुर जाणारा तसेच फलटण बायपास पालखी महामार्ग हे दोन्ही रोड जेथे मिळतात तेथे धुळदेव, ता.फलटण येथे अशोक लेलंड कंपनीचा ट्रक क्र.MH 11 CH 3160 वरील चालक गणपत भानुदास उगलमोगले रा.शोकासण, ता.माण, जि.सातारा यांनी रस्त्याचे परिस्थितीकडे दुर्लक्ष करून हयगयीने, अविचाराने भरधाव वेगात येवुन दत्तात्रय बिरमल खरात, वय 53 वर्षे, रा.धुळदेव, ता.फलटण हे चालवित असलेल्या हिरो कंपनीच्या एच.एफ.डिलक्स मोटार सायकल क्र.MH 11 CP 5382 ला समोरील बाजुने जोरात धडक देवुन अपघात करून त्यांना गंभीर जखमी करून, औषधोपचाराकरीता न नेता सदर चालक तेथुन पळुन गेला असल्याची फिर्याद चैतन्य तानाजी खरात यांनी दिली आहे. अधिक तपास सहाय्यक पोलीस निरीक्षक नितीन शिंदे हे करीत आहेत.