खा. शरद पवार यांचे जनतेला पत्र
गंधवार्ता वृत्तसेवा दि. 5 एप्रिल 2022 - कोरोना बाधितांची संख्या दिवसेंदिवस वाढत आहे, या पार्श्वभूमीवर माजी केंद्रीय कृषिमंत्री व राष्ट्रवादी काँग्रेस पक्षाचे अध्यक्ष खासदार शरद पवार यांनी जनतेला खुले पत्र लिहिले आहे. कोरोना रुग्णांची वाढत असलेली संख्या बघून चिंता व्यक्त करून, राज्यशासनाने निर्गमित केलेल्या मार्गदर्शक सुचनांचे तंतोतत पालन करावे असे आवाहन केले आहे
खा. शरद पवार यांनी ट्विटरवर पोस्ट केलेल्या पत्रात म्हटले आहे की, कोव्हिड-१९ ह्या जागतिक महामारीची दूसरी लाट संपूर्ण राज्यात पसरली आहे. दिवसोंदिवस रूग्णांच्या संख्येत लक्षणीय वाढ होत असून परिस्थिती अत्यंत चिंताजनक झाली आहे. राज्यशासन, पोलीस व प्रशासकिय यंत्रणा परिस्थितीवर लक्ष ठेवून असून राज्यातील आरोग्य यंत्रणेचे डॉक्टर्स, परिचारीका व संलग्न कर्मचारी रुग्णांना दिलासा देण्यासाठी अहोरात्र झटत आहेत.
ह्या संकटावर मात करण्यासाठी जनतेच्या सहकार्याची अत्यंत आवश्यकता आहे. नागरिकांना याद्वारे आवाहन करण्यात येते की, राज्यशासनाने वैद्यकीय क्षेत्रातील तज्ञांच्या सल्ल्याने निर्गमित केलेल्या मार्गदर्शक सुचनांचे तंतोतत पालन करावे. गर्दी टाळणे, सामाजिक अंतर राखणे, मास्क आणि सानिटाईझरचा वापर करणे, स्वच्छता राखणे वगैरे सूचना कसोशीने पाळाव्यात. सभा-समारंभ अथवा कोणतेही गर्दीचे कार्यक्रम टाळावेत.
राष्ट्रवादी पक्षाच्या कार्यकर्त्यांना देखील कळविण्यात येते की, त्यांनी देखील जनतेला ह्या अभुतपूर्व संकटातून बाहेर काढण्यासाठी स्थानिक स्तरावर झोकून द्यावे. कोरोना प्रतिबंधक लसीकरण मोहिम राबवण्यावर विशेष भर द्यावा. त्याचप्रमाणे राज्यात रक्ताचा मोठ्या प्रमाणावर तुटवडा निर्माण झाला आहे. त्याकरीता रक्तदान शिबीरांचे कार्यक्रम देखील हिरहिरीने राबवावेत.
मला खात्री आहे की, आपण धीर,संयम, दक्षता आणि परस्पर सहकार्याच्या बळावर ह्या महामारीवर निश्चित मात करू, धन्यवाद.
कोव्हिड-१९ ह्या जागतिक महामारीची दुसरी लाट संपूर्ण राज्यात पसरली आहे. दिवसेंदिवस रूग्णांच्या संख्येत लक्षणीय वाढ होत असून परिस्थिती अत्यंत चिंताजनक झाली आहे. राज्यशासन, पोलीस व प्रशासकिय यंत्रणा परिस्थितीवर लक्ष ठेवून आहेत.#COVID19 #Maharashtra @CMOMaharashtra pic.twitter.com/IJoOaIcbEk
— Sharad Pawar (@PawarSpeaks) April 5, 2021
No comments