धावपटू हिमा दास आता डेप्युटी सुपरिटेंडेंट ऑफ पोलिस
गंधवार्ता वृत्तसेवा - भारताची स्टार स्प्रिंटर हिमा दास (Hima Das) ही मुख्यमंत्री सरबानंद सोनोवाल यांच्या उपस्थितीत आसाम पोलिस दलात डेप्युटी सुपरिटेंडेंट ऑफ पोलिस (DSP) पदावर रुजू झाली. मैदान गाजवणारी हिमा दास पोलिस पोशाखात रुबाबदार दिसत होती. यावेळी, बालपणीचे आपले स्वप्न साकार होत असल्याचे तिने सांगितले.
हिमा दासने आयएएएफच्या वर्ल्ड अंडर २०च्या चॅम्पियनशिपमध्ये सुवर्णपदक जिंकले आहे. अशी कामगिरी करणारी ती पहिली भारतीय धावपटू आहे. हिमाच्या नावावर ४०० मीटर स्पर्धेचा राष्ट्रीय विक्रम देखील आहे.
हिमा दासची डीएसपी पदावर नियुक्ती केल्यानंतर केंद्रीय क्रीडा मंत्री किरण रिजिजू यांनी देखील हिमाचे अभिनंदन केले आहे आणि मुख्यमंत्र्यांचे आभार मानले.
डीएसपी म्हणून पदभार घेतल्यानंतर झालेल्या मेळाव्याला संबोधित करताना 21 वर्षीय हिमाने, शाळेत असल्यापासून माझी पोलिस दलात अधिकारी होण्याची इच्छा होती. माझ्या आईची देखील हीच इच्छा होती, असे सांगितले. आपण पोलिस दलात दाखल झालो असलो तरी धावपटू म्हणून करिअर सुरूच ठेवणार असल्याचे हिमाने सांगितले.
No comments