फलटण शहरात 12 कोरोना पॉझिटिव्ह

            फलटण 31 जुलै (गंधवार्ता वृत्तसेवा) - फलटण तालुक्यासह शहरातील कोरोना बधितांचा आकडा दिवसेंदिवस वाढत चालला असून, आज रात्री आलेल्या  कोविड (covid-19) च्या अहवालानुसार फलटण शहरात एकूण 12 रुग्ण पॉझिटिव्ह सापडले आहेत. यामध्ये रामबाग फलटण येथील 4 व्यक्ती, जिंती नाका फलटण येथील 6 व्यक्ती, स्वामी विवेकानंद नगर फलटण येथील 1 व्यक्ती व सोमवार पेठ फलटण येथील एका व्यक्तीचा समावेश असल्याची माहिती उपविभागीय अधिकारी शिवाजीराव जगताप यांनी दिली आहे.

            दि. 31 जुलै रोजी आलेल्या कोरोना अहवालानुसार रामबाग, फलटण येथील पूर्वी पॉझिटिव्ह आलेल्या व्यक्तीच्या निकट संपर्कातील ३८ व १० वर्षीय पुरुष/मुले तसेच ६२ व ३८ वर्षीय महिला यांची कोविड चाचणी पॉझिटिव्ह आली आहेत. 

            जिंती नाका, फलटण  येथील पूर्वी पॉझिटिव्ह आलेल्या व्यक्तीच्या निकट संपर्कातील १२, २० व ५९ वर्षीय मुले/पुरुष तसेच  १६, १७ व ३५ वर्षीय मुली/महिला यांची कोविड चाचणी पॉझिटिव्ह आली आहे. 

            स्वामी विवेकानंदनगर, फलटण येथील ६४ वर्षीय पुरुष तसेच सोमवार पेठ फलटण येथील  ५२ वर्षीय पुरुष यांची कोविड चाचणी पॉझिटिव्ह आली आहे. असे एकूण 12 करूना बाधित रुग्ण फलटण शहरामध्ये सापडले असल्याची माहिती उपविभागीय अधिकारी शिवाजीराव जगताप यांनी दिली आहे.