कोरेगाव ता. फलटण येथील 26 वर्षीय महिला कोरोना पॉझिटिव्ह

     फलटण ( दैनिक गंधवार्ता वृत्तसेवा) - पिंपरी चिंचवड महानगरपालिका परिसरातून कोरेगाव ता. फलटण येथे  आलेल्या 26 वर्षीय महिलेचा कोरोना रिपोर्ट पॉझिटिव्ह आला असून आज तिची डिलिव्हरी झाली आहे. सध्या महिला सातारा येथे सिव्हिल रुग्णालयात उपचार घेत असल्याची माहिती उपविभागीय अधिकारी शिवाजीराव जगताप यांनी दिली आहे.

     पिंपरी-चिंचवड महानगरपालिका परिसरातून काेरेगाव ता फलटण येथे आलेल्या २६ वर्षीय महिलेची कोविड 19 ची चाचणी पॉझिटिव्ह आली आहे. सदरच्या महिलेचा शिरवळ चेक पोस्ट येथेच स्वॅब घेण्यात आला होता. आज रोजी सदर महिलेने एका बाळाला जन्म दिला असल्याने बाळासह सदर महिलेला सातारा सिव्हील हाॅस्पीटलला पाठविण्यात आले असल्याची माहिती उपविभागीय अधिकारी शिवाजीराव जगताप यांनी दिली आहे.