दालवडी येथे कार मध्ये मिळाला गांजा व पिस्टल
फलटण(गंधवार्ता वृत्तसेवा) दि.२८ ऑगस्ट२०२५ - फलटण ग्रामीण पोलीस ठाण्यास दिनांक २८ ऑगस्ट २०२५ रोजी माहिती मिळाली की, दालवडी येथे फॉरेस्टच्या बाजुला राहत असलेले रवींद्र कोलवडकर याच्या गाडीमध्ये पिस्तुल व गांजा आहे, त्या अनुषंगाने पोलिसांना सदर ठिकाणी तपास केला असता, त्यांना फॉरेस्टच्या जागेमध्ये स्वीफ्ट कार दिसुन आली, त्यानंतर त्यापासुन २०० मीटरच्या अंतरावर असलेले रवींद्र कोलवडकर यांना घरातुन बोलावुन घेतले व त्यांना कार चेक करावयाची असल्याचे सांगितले, त्यांनी स्वताहुन गाडी उघडली, गाडी अनलॉक करुन, गाडी चेक केली असता, गाडी मध्ये गांजा, पिस्तुल व त्याच्यामध्ये जिवंत दोन राउंड कारमध्ये मिळुन आले, याबाबत रवींद्र कोलवडकर यांना विचारले असता, ते सदरचा गांजा व पिस्तुल हे त्याच्या गाडीत कसे आले, याबाबत अनभिज्ञ असल्याचे सांगितले. त्याच्या गाडीमध्ये गांजा व पिस्तुल व दोन काडतुसे हे मिळुन आले आणि सदर बाबत अंमली पदार्थ विरोधी कायदा कलम व आर्म अॅक्ट कलम याप्रमाणे गुन्हा दाखल करुन, पोलीसांनी रवींद्र कोलवडकर यांना चौकशीसाठी ताब्यात घेतले व चौकशी करुन त्याच्यामधील आरोपी निष्पन्न करुन अटक करण्याची तजवीज ठेवलेली आहे.स्विफ्ट कार MH11CW4844 पोलिसांनी जप्त केली आहे.
सदर बाबत फलटण ग्रामीण पोलीस स्टेशन गुन्हा रजिष्टर क्र ६१६/२०१५ एन.डी.पी.एस अॅक्ट प्रमाणे गुन्हा दाखल असुन मा. पोलीस अधीक्षक श्री तुषार दोषी, मा. अप्पर पोलीस अधीक्षक कडुकर, उपविभागीय पोलीस अधिकारी भालचीम यांचे मार्गदर्शनाखाली पोलीस निरीक्षक सुनिल महाडीक पोलीस उपनिरीक्षक श्री गोपाळ बदने, वैभव सुर्यवशी, अमोल जगदाळे, नितीन चतुरे, हनुमंत दडस, तात्या कदम, तानाजी ढोले, तुषार नलवडे, कल्पेश काशिद यांनी तपासामध्ये सहभाग घेतला आहे. गुन्हयाचा तपास पोलीस उपनिरीक्षक श्री बदने हे करीत आहेत.
No comments