छोट्या उर्फ तौसिफ अब्दुल शेख यास फलटण तालुक्यातून ६ महिन्याकरिता तडीपार

Chhotya alias Tousif Abdul Sheikh was deported from Phaltan taluka for 6 months

    फलटण (गंधवार्ता वृत्तसेवा) दि.१७ सप्टेंबर - छोट्या उर्फ तौसिफ अब्दुल शेख रा. गजानन चौक, गोल्डन बेकरी शेजारी, फलटण ता. फलटण यास ६ महिन्याकरिता फलटण तालुक्यातुन तडीपार करण्यात आले असल्याची माहिती फलटण शहर पोलिस स्टेशनचे पोलीस निरीक्षक भारत केंद्रे यांनी दिली. 

    फलटण शहर पोलीस स्टेशन हद्दीतील ज्या   इसमावर  दोन पेक्षा अधिक गंभीर गुन्हे दाखल आहेत, तसेच त्यांच्यावर यापूर्वी प्रतिबंधात्मक कारवाई करून देखील, त्यांच्या वागण्यात सुधारणा झालेली नसल्याने, त्यांच्यावर महाराष्ट्र पोलीस अधिनियम ५६ प्रमाणे कारवाई, करणेबाबत  पोलीस अधीक्षक  सातारा यांनी आदेशीत केले होते, त्याप्रमाणे सदर गोष्टीचे गांभीर्य ओळखून, फलटण शहर पोलीस स्टेशनकडून  पोलीस अधीक्षक सातारा यांच्यामार्फत   उपविभागीय अधिकारी शिवाजीराव जगताप यांच्याकडे इसम नामे छोट्या उर्फ तोसिफ अब्दुल शेख राहणार गजानन चौक, गोल्डन बेकरी शेजारी फलटण ता. फलटण जिल्हा सातारा याच्या विरुद्ध महाराष्ट्र पोलीस अधिनियम 56 प्रमाणे, प्रस्ताव सादर करून, त्यास एक वर्षाकरिता फलटण तालुक्यातून तडीपार करण्यात यावे याबाबत विनंती केली होती, त्याप्रमाणे उपविभागीय अधिकारी शिवाजीराव जगताप   यांनी नमूद इसमास फलटण तालुक्यातून सहा महिन्याकरता तडीपार करण्यात केले आहे.

        सदर कारवाई पोलीस अधीक्षक अजयकुमार बंसल,  अपर पोलीस अधीक्षक धिरज पाटील,  उपविभागीय पोलिस अधिकारी तानाजी बरडे यांच्या मार्गदर्शनाखाली फलटण शहर पोलीस स्टेशनचे  पोलीस निरीक्षक भारत किंद्रे, पोलीस उपनिरीक्षक एस ए बनकर, पोलीस नाईक शरद तांबे  यांनी काम पाहिले आहे.