फलटण तालुक्यात 16 कोरोना पॉझिटिव्ह

 

16 corona positive in Phaltan taluka

            फलटण 15 ऑगस्ट (गंधवार्ता वृत्तसेवा) -  दि. 14 ऑगस्ट रोजी रात्री उशिरा आलेल्या  कोविड (covid-19) च्या अहवालानुसार फलटण तालुक्यात आणखी 16  व्यक्तींच्या कोविड चाचण्या पॉझिटिव्ह आल्या आहेत. यामध्ये फलटण शहरातील 5, गुणवरे 8, कोऱ्हाळे 1, मांडवखडक 2 व्यक्तींचा समावेश असल्याची माहिती उपविभागीय अधिकारी शिवाजीराव जगताप यांनी दिली. दरम्यान दि. 14 रोजी सकाळी आलेल्या अहवालात फलटण तालुक्यातील 28 व्यक्तींचे रिपोर्ट कोरोना पॉझिटिव्ह आले होते.

कोरोना बाधित रुग्ण आढळलेला गावनिहाय तपशील खालीलप्रमाणे.

        दि. 14 ऑगस्ट रोजी रात्री आलेल्या कोरोना अहवालानुसार फलटण तालुक्यात आणखी 16 कोरोना पॉझिटिव्ह रुग्ण सापडले आहेत. त्यामध्ये फलटण शहरातील मंगळवार पेठ येथे 15 वर्षीय व 41 वर्षीय महिला असे दोन व्यक्तींच्या covid-19 कोविड चाचण्या पॉझिटिव्ह आल्या आहेत. मारवाड पेठ येथील 40 वर्षीय महिला, मेटकरी गल्ली येथील 34 वर्षीय पुरुष, लक्ष्मीनगर येथील 62 वर्षीय महिला यांच्या कोविड चाचण्या पॉझिटिव्ह आल्या आहेत.

        गुणवरे तालुका फलटण येथील पूर्वी पॉझिटिव्ह आलेल्या व्यक्तीच्या निकटवर्ती संपर्कातील  6 वर्षीय मुलगी, 20 वर्षीय, 25 वर्षीय महिला, 1 वर्षीय, 3 वर्षीय, 3 वर्षीय बालक, 17 वर्षीय, 30 वर्षीय पुरुष अश्या 8 व्यक्तींच्या कोविड चाचण्या पॉझिटिव्ह आल्या आहेत.

        कोऱ्हाळे ता. फलटण येथील 53 वर्षे  पुरुषाची कोविड चाचणी पॉझिटिव्ह आली आहे. मांडवखडक येथील 76 वर्षीय, 80 वर्षीय पुरुषांच्या कोविड चाचण्या पॉझिटिव्ह आल्या असल्याची माहिती उपविभागीय अधिकारी शिवाजीराव जगताप यांनी दिली.