फलटण : इयत्ता १२ वीचा निकाल ९२.५७ % ; ३ शाळांचे निकाल १०० %

          फलटण दि. १७ : महाराष्ट्र  राज्य माध्यमिक व उच्च माध्यमिक परीक्षा मंडळ, पुणेच्या माध्यमातून मार्च २०२० मध्ये घेण्यात आलेल्या उच्च माध्यमिक (इयत्ता १२ वी) परीक्षेस फलटण शहर व तालुक्यातील २८ माध्यमिक विद्यालयातून ३५९६ विद्यार्थी/विद्यार्थिनी या परीक्षेस बसले त्यापैकी ३३२९ उत्तीर्ण झाले असून तालुक्याचा एकत्रित  निकाल ९२.५७% लागला आहे. त्यापैकी २४५ विद्यार्थी/विद्यार्थिनी विशेष प्राविण्यात, ११४८ प्रथम श्रेणीत, १७७६ द्वितीय श्रेणीत, १६० उत्तीर्ण श्रेणीत आले आहेत. या सर्व विद्यार्थी/विद्यार्थिनींचे विविध स्तरावरुन अभिनंदन होत आहे.

         जयभवानी हायस्कूल व ज्युनिअर कॉलेज तिरकवाडी, उत्तरेश्वर हायस्कूल व ज्युनिअर कॉलेज विडणी आणि अंबिशन इंग्लिश मिडीयम स्कूल व ज्युनिअर कॉलेज, आदर्की या ३ विद्यालयांचे निकाल १०० % लागले आहेत.

मुधोजी हायस्कूल व शेती शाळा गुवणत्तेत आघाडीवर

           मालोजीराजे शेती विद्यालय व ज्युनिअर कॉलेज, फलटणचा निकाल ९९.७२% लागला असून तेथून परीक्षेस बसलेल्या ७३३ पैकी ७३१ विद्यार्थी/विद्यार्थिनी उत्तीर्ण झाल्या आहेत. मुधोजी हायस्कूल व उच्च माध्यमिक विद्यालय फलटणचा निकाल ९८.३८ % लागला असून तेथून परीक्षेस बसलेल्या ६७९ पैकी ६६८ विद्यार्थी/विद्यार्थिनी उत्तीर्ण झाल्या आहेत.

तालुक्यातील अन्य विद्यालयांचे निकाल

       फलटण शहर व तालुक्यातील अन्य विद्यालयांचा इयत्ता १२ वी निकाल खालीलप्रमाणे - मुधोजी महाविद्यालय, फलटण ८७.५६ %, सरदार वल्लभभाई ज्युनिअर कॉलेज, साखरवाडी ८७.२० %, यशवंतराव चव्हाण ज्युनिअर कॉलेज, फलटण ८७.८२ %, मुधोजी हायस्कूल व उच्च माध्यमिक विद्यालय, फलटण ९८.३८ %, मालोजीराजे शेती विद्यालय व ज्युनिअर कॉलेज, फलटण ९९.७२ %, छ. शिवाजी ज्युनिअर कॉलेज, गिरवी ८६.११ %, सौ. वेणूताई चव्हाण कन्या हायस्कूल व ज्युनिअर कॉलेज, फलटण ९१.६६ %, ज्योतिर्लिंग हायस्कूल & ज्युनिअर कॉलेज, पवारवाडी (आसू) ८६.७६ %, फलटण हायस्कूल & ज्युनिअर कॉलेज, फलटण ७२ %, सरस्वती माध्यमिक विद्यालय & ज्युनिअर कॉलेज, बिबी ८०.७६ %, हनुमान माध्यमिक विद्यालय & ज्युनिअर कॉलेज, गोखळी ५३.८४ %, श्रीमती प्रेमलाताई चव्हाण ज्युनिअर कॉलेज, फलटण ९६.२९ %, महात्मा फुले हायस्कूल & ज्युनिअर कॉलेज, सासवड ८५.७१ %, सरलष्कर श्रीमंत बाबाराजे खर्डेकर ज्युनिअर कॉलेज, हणमंतवाडी ७१.४२ %, हणमंतराव पवार हायस्कूल & ज्युनिअर कॉलेज, फलटण ६८.७५ %, मॉडर्न हायस्कूल & ज्युनिअर कॉलेज, बरड ९०.३२ %, श्रीमंत शिवाजीराजे इंग्लिश मिडीयम स्कूल & ज्युनिअर कॉलेज, जाधववाडी (फलटण) ९७.६७ %, आंदरुड माध्यमिक विद्यालय आंदरुड ७८.५७ %, सौ. वेणूताई चव्हाण हायस्कूल & ज्युनिअर कॉलेज, तरडगाव ८१.२५ %.

       श्री जानाई हायस्कूल & ज्युनिअर कॉलेज, राजाळे ८७.५० %, सरदार वल्लभभाई ज्युनिअर कॉलेज, साखरवाडी ८७.५० %, यशवंतराव चव्हाण कॉलेज, फलटण ९५.०८ %, मुधोजी हायस्कूल, फलटण ९५.३८ %, मालोजीराजे शेती ज्युनिअर कॉलेज, फलटण ९६.७७ %, वेणूताई चव्हाण गर्ल्स ज्युनिअर कॉलेज, फलटण ९६.२२ %.