मुख्यमंत्री देवेंद्र फडणवीस यांच्या हस्ते नगराध्यक्ष समशेरसिंह व नगरसेवकांचा सत्कार

फलटण (गंधवार्ता वृत्तसेवा) दि.२ -  सातारा येथे आज जिल्हा भारतीय जनता पक्षाच्या वतीने आयोजित करण्यात आलेल्या भव्य सत्कार समारंभात फलटण शहराचे नवनिर्वाचित नगराध्यक्ष समशेरसिंह नाईक निंबाळकर आणि सर्व विजयी नगरसेवकांचा सत्कार करण्यात आला. हा सत्कार राज्याचे मुख्यमंत्री देवेंद्र फडणवीस यांच्या हस्ते पार पडला.

या समारंभाला सार्वजनिक बांधकाम मंत्री छत्रपती शिवेंद्रसिंहराजे भोसले आणि ग्रामविकास मंत्री जयकुमार गोरे यांची प्रमुख उपस्थिती लाभली. यावेळी भाजपच्या नवनिर्वाचित पदाधिकाऱ्यांचे अभिनंदन करताना मुख्यमंत्री देवेंद्र फडणवीस यांनी स्थानिक स्वराज्य संस्थांमधील भाजपच्या यशाचे कौतुक केले आणि विकासकामांसाठी सर्वांनी एकत्रितपणे काम करण्याचे आवाहन केले.

समारंभास भाजपा सातारा जिल्ह्याचे पदाधिकारी, लोकप्रतिनिधी तसेच कार्यकर्ते मोठ्या संख्येने उपस्थित होते. सत्कार समारंभामुळे जिल्ह्यातील भाजप कार्यकर्त्यांमध्ये उत्साहाचे वातावरण निर्माण झाले होते.