मुख्यमंत्री ग्रामसडक योजनेतून फलटण तालुक्याला ६ कोटी ९९ लाख रुपये मंजूर - आमदार सचिन पाटील
फलटण (गंधवार्ता वृत्तसेवा) दि.१५ सप्टेंबर २०२५ - ग्राम विकास विभागाच्या अंतर्गत मुख्यमंत्री ग्राम सडक योजना व आशियाई विकास बँक यांच्यामार्फत फलटण तालुक्यातील तीन मोठ्या पुलासाठी माजी खासदार रणजितसिंह नाईक निंबाळकर व राज्याचे ग्रामविकास मंत्री जयकुमार गोरे यांच्या प्रयत्नातून ६ कोटी ९९ लाख रुपये मंजूर झाले असल्याची माहिती आमदार सचिन पाटील यांनी दिली.
यामध्ये फडतरवाडी येथील फडतरे वस्ती रस्त्यावर पूल बांधणे यासाठी २६१.७२ लाख , ढवळपाटी येथे रस्त्यावर फुल बांधणे २३८.४३ लाख, सावंतवाडी रस्त्यावर पुलाचे बांधकाम करणे १९८.५५ लाख मंजूर झाले असून फलटण तालुक्यातील राजकारणाची दिशा बदलल्यानंतर या तालुक्यामध्ये विकास करण्यासाठी आम्ही सातत्याने प्रयत्न करत आहे, या गावातील अनेक वर्षापासून लोकांची मागणी होती. पावसाळ्यामध्ये लोकांचे प्रचंड मोठ्या प्रमाणामध्ये हाल होत होते, त्यांच्या मागणीनुसार राज्य शासनाने यास मान्यता दिली आहे व याचे काम लवकरच सुरू होईल.
फलटण तालुक्यामध्ये मी आमदार झाल्यापासून अनेक कामे करण्यामध्ये यश मिळाले आहे, गावगाड्यातील रस्ते ,पोल,पानंद रस्ते मंजूर करण्याचा माझा प्रयत्न आहे, त्यामुळे हा तालुका खड्डे मुक्त करण्याचा निर्णय आम्ही घेतलेला आहे, फलटण तालुका हा माजी खासदार रणजितसिंह नाईक निंबाळकर व महायुतीच्या सर्व नेत्यांच्या प्रयत्नातून विकासाकडे वाटचाल करताना आपण पाहणार आहे या तालुक्यामधील युवक ,शेतकरी, व्यापारी ,यांच्या दृष्टीने रस्त्याचे जाळे चांगल्या पद्धतीचे विणले जाणार आहे त्यामुळे महाराष्ट्राचे मुख्यमंत्री देवेंद्रजी फडणवीस,उप मुख्यमंत्री अजित दादा पवार उपमुख्यमंत्री एकनाथ शिंदे यांचे फलटण तालुक्यातील जनतेच्या वतीने आमदार सचिन पाटील यांनी आभार मानले आहेत.
No comments