सावित्रीच्या लेकींनी केले महात्मा फुले यांना अभिवादन ; फलटणच्या महात्मा फुले जयंती उत्सव समितीचे क्रांतिकारक पाऊल
फलटण (गंधवार्ता वृत्तसेवा) - सत्यशोधक समाजाची स्थापना करणारे, समाजाला समतेचा संदेश देणारे क्रांतीबा महात्मा फुले यांच्या १९६ व्या जयंती निमित्त महात्मा फुले जयंती उत्सव समिती तर्फे क्रांतिकारक पाऊल उचलत फलटण मधील सावित्रीच्या लेकींच्या हस्ते महात्मा फुले यांच्या पुतळ्यास पुष्पहार अर्पण करून अभिवादन करण्यात आले यावेळी फलटण तालुक्यातील तमाम फुलेंप्रेमी बहुसंख्येने उपस्थित होते
खासदार रणजितसिंह नाईक निंबाळकर यांनी सकाळी लवकर महात्मा फुले यांना अभिवादन केले, सातारा जिल्हा परिषदेचे माजी सभापती संजीवराजे नाईक निंबाळकर, श्रीराम सहकारी साखरकारखान्याचे चेअरमन डॉ बाळासाहेब शेंडे, उपविभागीय अधिकारी डॉ. शिवाजी जगताप, तहसिलदार समीर यादव, फलटण नगर पालिकेचे मुख्याधिकारी संजय गायकवाड, माजी नगरसेवक सचिनभैय्या बेडके, माजी नगरसेवक पांडुरंग गुंजवटे, अशोकराव जाधव, सचिन अहिवळे, भाजपा तालुकाध्यक्ष बजरंगनाना गावडे, पिंटू इवरे, आमिरभाई शेख, विकास नाळे, वंचीत बहुजन आघाडीचे सर्व पदाधिकारी माजी जिल्हा परिषद अध्यक्ष माणिकराव सोनवलकर, प्राथमिक शिक्षक संघटनेचे सर्व पदाधिकारी राजकीय , सामाजिक शैक्षणिक क्षेत्रातील सर्व मान्यवरांनी अभिवादन केले
सकाळी महिलांनी संपूर्ण शहरातून बाईक रॅली काढून जय ज्योती जय क्रांती च्या घोषणांनी परिसर दणाणून सोडला. तालुक्यात प्रथमच एवढ्या मोठ्या स्वरूपात फुले जयंती साजरी होत असल्याने, तालुक्यातील अनेक गावातून महात्मा फुले प्रेमी बहुसंख्येने उपस्थित होते
क्रांतिसूर्य सेल्फी पॉईंट : महात्मा फुले चौकात संयोजन समितीने क्रांतिसूर्य अशी अक्षरे लिहलेला सेल्फी पॉईंट तयार केला होता या ठिकाणी सेल्फी काढण्याचा मोह खासदार रणजितसिंह नाईक निंबाळकर तसेच असंख्य फुलेंप्रेमींना झाला . दिवसभर या ठिकाणी प्रचंड गर्दी होती
No comments