युवा मोर्चा हा भारतीय जनता पक्षाचा कणा - जयकुमार शिंदे

Yuva Morcha is the backbone of Bharatiya Janata Party - Jayakumar Shinde

    फलटण (गंधवार्ता वृत्तसेवा) - युवा मोर्चाचे पदाधिकारी हे भाजपचा मुख्य कणा म्हणुन काम करतात, आगामी लोकसभा निवडणुकीत खासदार रणजितसिंह नाईक निंबाळकर यांच्या खांद्याला खांदा लावून काम करावे लागणार आहे. केंद्र व राज्य सरकारने व खासदार रणजितसिंह नाईक निंबाळकर यांनी केलेल्या विकासकामांची माहिती जनतेपर्यंत पोहोचविण्यासाठी प्रयत्न करावेत. युवा मोर्चा ने नमो चषक स्पर्धा आयोजित केल्या आहेत, त्यामध्ये जास्तीत जास्त तालुक्यातील मुलांना समावुन  घेऊन स्पर्धा यशस्वी कराव्यात . स्थानिक खेळाडूंना संधी दयावी. जास्तीत जास्त खेळाडूंची नमो ऍपवर नोंद झाली पाहिजे. तसेच सर्व सामान्य जनतेला शासकीय योजनेचा फायदा होईल असे काम करावे असे आवाहन भाजपचे सातारा जिल्हा सरचिटणीस जयकुमार शिंदे यांनी केले.

    खासदार रणजितसिंह नाईक निंबाळकर व भाजपा जिल्हा अध्यक्ष धैर्यशीलदादा कदम यांच्या सूचनेनुसार युवा मोर्चाच्या पुर्व मंडल पदाधिकारी नियुक्तीचा कार्यक्रम  आयोजित  केला होता, यावेळी सातारा जिल्हा सरचिटणीस जयकुमार शिंदे बोलत होते. यावेळी मंडल अध्यक्ष बजरंग गावडे, फलटण कोरेगाव विधानसभा प्रमुख सचिन कांबळे पाटील, जिल्हा कार्यकारिणी सदस्य बाळासाहेब ननावरे,  सरचिटणीस संतोष सावंत उपस्थित होते.

    यावेळी बजरंग गावडे, सचिन कांबळे पाटील यांनी मार्गदर्शन केले. प्रास्ताविक संतोष गावडे व आभार प्रतिक पवार यांनी मानले.