वडले ता.फलटण येथून ४ शेळ्या व ३ पिल्ले यांची चोरी

Theft of 4 goats and 3 chicks from Wadle, Phaltan

    फलटण (गंधवार्ता वृत्तसेवा) -  मौजे वडले ता. फलटण गावच्या हद्दीत घराचे पाठीमागे असली तारेच्या वाडग्यातुन १८ हजार रुपये किंमतीच्या ४ शेळ्या व ३ शेळ्यांची पिल्ले चोरी प्रकरणी अज्ञात चोरट्या विरोधात गुन्हा दाखल करण्यात आला आहे.

     फलटण ग्रामीण पोलीस स्टेशन कडून मिळालेल्या माहितीनुसार, दि.२३ डिसेंबर २०२१  रोजीचे रात्रौ११:३० वाजता ते दि. २४ डिसेंबर २०२१ रोजी १:३० वाजण्याच्या दरम्यान, मौजे वडले ता. फलटण गावच्या हद्दीत कलावती पिराजी काळे यांच्या घराचे पाठीमागे असलेल्या तारेच्या वाडग्यातुन, तीन ते चार वर्षे वयाच्या ४ शेळ्या व तीन ते चार महिने वयाची ३ शेळ्यांची पिल्ले असा एकूण १८ हजार रुपये किंमतीच्या शेळ्या अज्ञात चोरट्यांनी लबाडीने चोरून नेल्याची फिर्याद कलावती पिराजी काळे यांनी दिली आहे. अधिक तपास पोलीस हवालदार लिमन हे करीत आहेत.