फलटण शहरात 5 तर फडतरवाडी येथे 1 कोरोना पॉझिटिव्ह रुग्ण

         फलटण (प्रतिनिधी) - शहर व तालुक्यात मिळून कोरोनाचे सहा पॉझिटिव्ह रुग्ण सापडले आहेत. दिवसेंदिवस कोरोना रुग्णांची संख्या वाढत असून,फलटण शहरात रविवार पेठ येथे चार जणांच्या चाचण्या पॉझिटिव्ह आल्या आहेत, तर सोमवार पेठ फलटण येथील एक तसेच फडतरवाडी तालुका फलटण येथे एक कोरोना बाधित रुग्ण सापडला असल्याची माहिती उपविभागीय अधिकारी शिवाजीराव जगताप यांनी दिली आहे.

            फलटण येथिल रविवार पेठेतील पूर्वी पॉझिटिव्ह आलेल्या व्यक्तीच्या संपर्कातील ४ व्यक्ती पॉझिटिव्ह आल्या आहेत. यामध्ये  २५ ,६०, ६२, ६८ वर्षीय महिलांचा समावेश आहे. तर फलटण मधील सोमवार पेठ येथील ३५ वर्षीय पुरुष आणि फडतरवाडी  येथील  ४५ वर्षीय पुरुष असे २ सारी (SARI) पेशंट कोविड पॉझिटिव्ह आले आहेत. असे फलटण शहर व तालुक्यात मिळून सहा रुग्ण कोरोना पॉझिटिव्ह आले  असल्याची माहिती उपविभागीय अधिकारी शिवाजीराव जगताप यांनी दिली आहे